decision encuanto ritmonan ta decision di organizadornan
ORANJESTAD(AAN)– Ministerio di Cultura a tuma nota di e discusion cu a surgi den nos comunidad pa loke ta e ritmo di calypso den Festival Un Canto pa Aruba.
Pa medio di esaki Ministerio di Cultura ta notifica cu e decision di incorpora un of otro ritmo den e festival ta coresponde na e organizadornan di e festival, e no ta un decision di Minister di Cultura.
E rol di Minister y Gobierno den esaki ta di patrocinador y contribucion cu e festival pa engrandece esaki, mirando cu e ta un forma di promove nos cultura. E patrocinio no ta exclusivamente pa e festival Un Canto pa Aruba, pero tambe pa e festival hubenil mirando cu e ta promove nos musica y nos herencia entre nos hobennan.
Minister di Cultura ta haci tur loke ta na su alcance pa contribui cu eventonan cu ta promove nos cultura y ta engrandece nos tradicionnan y custumbernan. Cultura di Aruba ta uno rico y festivalnan asina ta un herment no pa crea discordia sino mas bien union entre nos pueblo.
Ministerio di Cultura ta djis patrocina e festival
