Relaciona cu inscripcion pa trabou cu Citgo
ORANJESTAD(AAN): Un bes cu a identifica e situacion, inmediatamente Minister Paul Croes a acudi na medionan di comunicacion pa personalmente alerta comunidad di Aruba riba un practica fraudulento caminda ta ofrece hendenan interesa den un trabou cu Citgo, nan registro pa un cupo di trabou, a cambio di un suma di placa.
Minister Croes ta condena categoricamente e acto aki y ta reitera cu e unico Citgo Desk autorisa pa registra potencial trahadonan ta esun cu su Ministerio ta bay cuminsa cune den luna di Maart.
E informacion a yega na oficina di Minister di Asuntonan Social, Hubentud y Labor, drs. Paul Croes cu tin un actonan fraudulento tumando luga na tienda y companianan caminda ta solicita hende pa inscribi pa trabao na refineria Citgo. E personanan inescrupuloso aki ta cobra 250 Florin pa inscripcion di cual 150 ta pa capacitacion, 50 pa chekeo medico y 50 pa gasto administrativo.
“Mester avisa pueblo pa tene cuenta y cu e hechonan aki no tin aprobacion di Gobierno di Aruba,” e Minister di Labor a señala enfaticamente, bisando acerca cu “Si tin subcontractors cu por busca hende pa traha pa nan compania, nan lo ta registra cerca e Citgo Desk cu Gobierno a anuncia y cu pronto lo ser inaugura.”
Minister Paul Croes ta alerta comunidad riba practica fraudulento
