Loading...
Loading...
Loading...

Gobierno no tin ningun intermediario den negociacionnan cu CITGO

January 9, 2016

Gobierno no tin ningun intermediario den negociacionnan cu CITGO
Loading...

ORANJESTAD(AAN): Minister Mike de Meza den un entrevista a laga sa cu e negociacion cu CITGO pa tuma refineria di Aruba ta sigui normal y no tin ningun intermediario sinta meymey di nan.

E mandatario a confirma pa prensa cu e conoce Roberto Rincon y a sinta na varios ocacion cun’e, mescos cu el a sinta cu otro inversionista y inversionistanan potencial.

Loading...

Roberto Rincon no ta forma parti di negociacionnan y ponencianan haci pa cualkier persona no ta stop e negociacionnan. De Meza a bisa enfaticamente cu e ta laga e responsabilidad pa expresionnan eroneo cerca e personanan cu a haci nan, incluyendo e lider di fraccion di MEP, kende cada un ta para responsabel pa nan mesun expresion y ponencianan.

Mike de Meza a bisa cu gobierno semper a paga pa nan mesun hotel, biahe y cuminda relaciona na e reunionnan an Houston cu CITGO. “Na ningun momento ningun hende a manda avion pa Aruba” pa e delegacion di Aruba bay den avion priva pa negocia cu CITGO na Houston, el a agrega.

Tur cos a wordo haci segun regla, el a remarca.

De Meza a expresa cu tin investigacion tumando luga pa cu Roberto Rincon y gobierno di Aruba no tin nada di haci cu esaki y e resultado di e investigacion lo mustra tambe cu gobierno di Aruba no tin arti ni parti den e investigacion di Rincon.

E mandatario no ta nenga ningun momento den e entrevista cu e tabatin contacto cu Rincon, y na mas di un ocacion, e mes ta agrega. El a bisa cu e contacto a cuminsa rond di e di dos kwartaal di 2013, ora cu el a wordo introduci na Rincon como un comerciante potencial, kende, ademas, ya tabatin inversionnan haci na Aruba, como tambe Corsou, Merca y Europa. No tabatin ningun informacion den e screening cu lo por a causa cu gobierno pa ta contra di sinta cu Rincon.

Den e mesun rosea, el a bisa cu gobierno a sinta tambe cu Rubiales, EcoPetrol, Petrobras, y Petro China, mescos cu a sinta cu PDVSA, na varios ocacion. Ta “mil y un” persona a sinta cun’e a reuni cun’e y papia cun’e, De Meza a agrega. Roberto Rincon tabata un di e personanan aki.

E a añadi cu e ta haya lastima pa tur hende y ta spera pa Rincon cu e por sali for di dje y demostra cu e acusacionnan no tin base.

Roberto Rincon no ta forma parti di e negociacionnan. Un delegacion di gobierno a sinta na varios ocacion cu CITGO; Ministernan De Meza y Paul Croes a sinta cu CITGO y hasta na varios ocacion a sinta cu e president di CITGO.

“No tin ningun persona cu ta negocia pa nos meymey entre citgo cu gobierno. Gobierno di Aruba ta negocia directamente cu CITGO y CITGO ta reconoce gobierno di Aruba como e unico entity, e unico organisacion legal cu nan por sinta na mesa cun’e,” Minister Mike de Meza a finalisa bisando.

 

Gobierno no tin ningun intermediario den negociacionnan cu CITGO

Source: http://www.sxm-talks.com/dutch-caribbean/gobierno-no-tin-ningun-intermediario-den-negociacionnan-cu-citgo/

Loading...

Headlines

Justice Ministry seeks Dutch police reinforcements amid surge in armed robberies | The Peoples Tribune

November 14, 2026

Justice Ministry seeks Dutch police reinforcements amid surge in armed robberies | The Peoples Tribune

GREAT BAY--The Ministry of Justice has requested additional law enforcement assistance from the Netherlands and local security partners as authorities move to strengthen the Police Force of St. Maarten (KPSM) in response to an increase in armed robberies, firearm-related...

November 12, 2026

Council of Ministers Approve 50% Cut in Gasoline Excise Tax Providing Additional Relief at the Pumps | Soualiganewsday

SINT MAARTEN (POND ISLAND) - Following a joint initiative by the Ministries of Tourism, Economic Affairs, Traffic and Telecommunication (TEATT), Finance and Justice, the Council of Ministers has approved a 50% reduction in the excise tax on gasoline. This measure will bring th...

November 10, 2026

UPDATE on Kidnapping Investigation. One Victim Located, Police Appeal for Information on Second Victim | Soualiganewsday

SINT MAARTEN (GREAT BAY) - The Police Force of Sint Maarten (KPSM) wishes to provide an update regarding the ongoing investigation into the kidnapping of two men that took place on Richmond Drive in Cole Bay on Monday, November 9, 2026. During the course of the investigation,...

Loading...
Loading...
Loading...