pa localiza of detene Yellow sospecha di asesinato
ORANJESTAD, Aruba – 11 di december 2015: Aunke cu ta drentando varios tip, toch te ainda Polisnan no a logra detene e sospechoso principal den e caso di asesinato di dialuna marduga dilanti Olde Molen night Club. Esey a haci cu Minister di Husticia, mr. Drs. Arthur Dowers a instrui Ministerio Publico pa ofrece un recompensa di 5 mil florin pa e persona cu duna e “tip di oro” cu por conduci Polisnan na gara “Yellow”.
Ministerio Publico ta sospecha e homber Milanchelo Nelson Antonio Trenidad, alias “Yellow”, naci na Boneiro dia 7 di mei 1985 y cu ta biba na Cayenastraat # 20 na Aruba, di a viola articulo 2:262 c.q. 2:259 di e “Wetboek van Strafrecht van Aruba” y articulo 3 di e “Vuurwapenverordening”.
Ta pidi comunidad, cualkier persona cu por sa algo di su paradero, pa informa Polis mesora yamando number # 100 of via tipline 11141. Ta considera e homber aki como peligroso y cu chens grandi cu e ta arma.
Compensacion di 5 mil florin pa e “tip di oro”
