KURA PIEDRA, Curacao –– Departamento di Reshèrshi ta investigando un kaso di tiramentu ku a tuma lugá awe,14 di yanüari 2016, alrededor di 01.45’or di mardugá den kurá di un skol na Kura Piedra.
Sentral di Polis a dirigí un unidat Polisial na un snèk riba Winston Churchillweg pa un kaso kaminda un bewaker a kore yega ku herida di bala i ta drumi riba e stupi di e snèk.
For di un investigashon preliminar ku polis a realisá, e bewaker a deklará na polis ku un ratu promé el a bai kontrolá na e skol ariba menshoná.
Dado momentu el a keda sorprendé pa dos(2) persona ku a sali for di tras di un muraya di e skol ku nan kara tapa. Mes momentu nan a los diferente tiru for di un arma di kandela ku a alkanse den su barika i na su pòls robes. Ambulans ku a yega na e sitio a transportá e víktima pa Poliklínika di SEHOS pa tratamentu médiko.
Durante un investigashon realisá na e skol en kestion, polis a bin haña tres(3) huls riba e tereno ku a keda konfiská.
Tiramentu ku herido.
