UPDATE TIRAMENTU / ASESINATO:
Bosero di Kuerpo Polisial ta konfirma pa STREALUZ NEWS ku un persona a perde su bida den e tiramentu di awe marduga. Segun investigashon preliminar, tur kos a inisia riba Moontjiweg kaminda tabata tin un persekushon ku interkambio di bala.
Den esaki, un otro vehikulo ku deskonosinan aden lo a los varios tiru riba e Volkswagen Passaat blanku. Den e Volkswagen Passaat blanku, maneha pa “Gado” Basilia, lo tabata tin e homber shofur, un dama I tambe 4 menor di edat. Probablemente e otro vehikulo enbolbi den e tiramentu a sigi persigi nan te riba Helmin Wiels Bulevard kaminda ku aki e Volkswagen Passaat a bin dal den vangrail.
Den e vehikulo ku 6 okupante, un total di 4 persona a resulta herida, di kual e homber shofur konosi komo “Gado” a hanja varios herida di bala. E dama okupante tambe a hanja herida di bala I a keda transporta ku urgensia pa poliklinika di Sehos, pero mas lat e informashon tristu a drenta ku e la perde su bida a konsekuensia di e heridanan di bala. E viktima ta Janisairah Jano, nase na Ulanda 01 di Mart 1989.
Dos otro menor di edat, entre nan unu di 5 anja a risibi bala tambe. Unu a hanja herida di bala na pia I su situashon ta stabil, mientras ku e otro a hanja herida di bala na kabes I man I su situashon ta di atenshon. E otro menor di edat a sali ileso den e kaso aki.
Den e vehikulo Volkswagen Passaat blanku a konfiska un arma di kandela den serkania di e shofur. Sinembargo Bosero di Polis no por konfirma si e arma aki tambe a ser usa den e tiramentu.
Polisnan ta trahando kaba riba sierto pistanan relashona ku e tiramentu aki I ta suplika kualkier persona ku tin informashon pa pasa esaki mesora na 917 of e linja anonimo 108.
Di parti di STREALUZ NEWS forsa na famia di e defuntu I ku su alma sosega na pas.
(Tene kuenta ku imagennan grafiko) Fuente Strealuz
KOMUNIKADO DI KUERPO POLISIAL KÒRSOU: 3 yanüari 2016
Tiramentu ku morto.
Djadumingu 3 di yanüari alrededor di 00.45’or, Sentral di Polis a dirigí algun unidat di Rio Canario i Otrabanda pa Helmin Magno Wiels Bulevar na altura di Moontjeweg, pa un kaso di tiramentu. For di investigashon preliminar a sali na kla ku probablemente tabatin un persekushon entre dos vehíkulo ku a kuminsa riba Moontjeweg.
Durante di e persekushon aki, okupantenan di un vehíkulo lo mester a los varios tiru dirigí riba un outo di famia. Riba Helmin Magno Wiels Bulevar e outo di famia den kual tabatin 6 okupante, di kual un pareha i 4 menor di edat, a bin dal kontra di vangrail i para. Tantu e hòmber, shòfur di e vehíkulo komo e dama i 2 menor di edat, a risibí heridanan di bala i a keda transporta ku urgensia pa poliklinika pa risibí tratamentu médiko.
Dos otro menor a sali ileso for di e insidente aki. Alrededro di mitar di 6 di mainta a drenta notisia na Sentral di Polis ku e dama okupante Janishairah Jano nase na Hulanda dia promé di mart 1989 a bin fayesé a konsekuensha di e heridanan ku el a sufri.
Den e outo, polis a bin topa un arma di kandela ku a keda konfiská. Investigashon den e kaso aki ta kontinuá. Polis ta supliká tur persona ku por tin informashon tokante di e kaso aki, pa tuma kontakto ku polis na 917 of e liña anonimo 108.
Janishairah Jano awordu asesina i tres otro hende awordu herida ku bala.
